Recently Posted News
  አሚ መሀመድ የነገሰበት ጨዋታ እና የወጣት ብሔራዊ ቡድን ጉዞ
ግንቦት 14, 2008

በይርጋ አበበ

ትናንት ከቀትር መልስ በአዲስ አበባ ስታዲየም የኢትዮጵያ ከ20 ዓመት በታች ብሔራዊ ቡድን ከጋና አቻው ጋር ተጫውቶ ሁለት ለአንድ በሆነ ውጤት ማሸነፍ ችሏል። በሁለቱ ቡድኖች ጨዋታ ደግሞ ልዩነት ፈጣሪ ሆኖ ያመሸው የጂማ አባቡና እግር ኳስ ክለብ አጥቂ የሆነው አሚ መሀመድ ነው።

ወጣቱ አጥቂ ብሔራዊ ቡድኑ ለድል የበቃባቸውን ሁለት ጎሎች በአምስት ደቂቃዎች ልዩነት ከማስቆጠሩም በላይ በተለይ ከእረፍት በፊት በነበረው የጨዋታ ክፍለ ጊዜ የጨዋታው ኮከብ የሚያስብለውን ብቃት ማሳየት ችሏል። ከጨዋታው በኋላ ለአገር ውስጥ ጋዜጠኞች መግለጫ የሰጡት የጋናው ብሔራዊ ቡድን አሰልጣኝም ቢሆን ያረጋገጡት የልጁን ምትሃታዊ እግሮች  ብቃት አስተማማኝነት ነበር። የብሔራዊ ቡድኑን ብቃት በተመለከተም ቴክኒካል ብቃታቸው ጥሩ መሆኑን እና ወደ ፊት ጥሩ ቡድነ ሊሆኑ እንደሚችሉ ነው የገለጹት። በመልሱ ጨዋታ ቡድናቸው አሸንፎ እንደሚያልፍ አስታውቀዋል።

የኢትዮጵያ አቻቸው አሰልጣኝ ግርማ ሀብተዮሀንስ በበኩላቸው ለድላቸው ተጫዋቾቻቸውን አድነቀዋል። አሰልጣኙ አያይዘውም ቡድናቸው ከጨዋታ ጨዋታ እየተዋሃደ መምጣቱን አስተውቀዋል። ለመልሱ ጨዋታም በተሻለ እንደሚዘጋጁ እና ለአፍሪካ ዋንጫው እንደሚበቁ ተናግረዋል።

በኢትዮጵያ በኩል ኳስን ተረጋግቶ በመጫወት በኩል ክፍተት የታየ ሲሆን በተለይ በመሀል ሜዳው ክፍል ቡድኑን የሚያረጋጋ እና ኳስን በሚገባ የሚቆጣጠር አማካይ ተጫዋች ክፍተት መኖሩ ታይቷል። በዚህ ሁሉ መሀል ግን ወጣቱ አጥቂ አሚ መሃመድ የጨዋታው ኮከብ እና ልዩነት ፈጣሪ ተጫዋች ሆኖ አምሽቷል።

ethiopianathletics.net
 
Share this News/Article on your facebook page:    
 
Your Comment /አስተያየት
Name:
Email:
 
 
Comment:  *
 
 
 
 
Copyright© 2014 Ethiopianathletics.net All rights reserved!