Recently Posted News
  ሌሴቶን ያሸነፈው ቡድን አገሩ ሲገባ አቀባበል ተደረገለትሌሴቶን ያሸነፈው ቡድን አገሩ ሲገባ አቀባበል ተደረገለት
ሰኔ 01, 2008

ሌሴቶን ያሸነፈው ቡድን አገሩ ሲገባ አቀባበል ተደረገለት

በይርጋ አበበ

ለጋቦኑ የ2017 የአፍሪካ ዋንጫ ለማለፍ የጠበበ እድል ይዞ በማጣሪያው እየተወዳደረ ያለው የኢትዮጵያ ብሔራዊ ቡድን ባለፈው እሁድ የሌሴቶን ብሔራዊ ቡድን በጌታነህ ከበደ ሁለት ጎሎች ሁለት ለአንድ ማሸነፉ ይታወሳል። በአሰልጣኝ ገብረመድህን ሀይሌ በጊዜያዊነት እየሰለጠነ ያለው ብሔራዊ ቡድኑ ምንም እንኳ ከምድቡ ሁለተኛ ደረጃ ላይ የተቀመጠ ቢሆንም ያለበት አራት የጎል እዳ ወደ አፍሪካ ዋንጫ ለሚያደርገው ጉዞ እክል ሆኖበታል። ዋልያዎቹ በአፍሪካ ዋንጫ ከሚሳተፉት 16 ቡድኖች ቡድኖች መካከል ለመቀላቀል ያለባቸውን የጎል እዳ አስወግደው ተጨማሪ የጎል ክፍያ መያዝ የሚገባቸው ሲሆን አሁን የቀራቸው አንድ ጨዋታ ብቻ ነው። ይህ ጨዋታ ደግሞ መስከረም አካባቢ አዲስ አበባ ላይ የሚካሄደው የሲሸልስ ጨዋታ ነው።

ዋልያዎቹ ሌሴቶን ሁለት ለአንድ አሸንፈው ከትናንት በስቲያ አዲስ አበባ ቦሌ ዓለም አቀፍ አውሮፕላን ማረፊያ ሲደርሱ የፌዴሬሽኑን ፕሬዚዳንት አቶ ጁነዲን ባሻን ጨምሮ ሌሎች የፌዴሬሽኑ አመራሮች አቀባበል አድርገውላቸዋል። በኢንተርናሽናል ጨዋታ ምክንያት ተቋርጦ የሰነበተው የኢትዮጵያ ፕሪሚየር ሊግ ዛሬ የሚጀምር መሆኑን ተከትሎ ለብሔራዊ ቡድን የተመረጡ ተጫዋቾች ዛሬ ወደ ክለቦቻቸው ማምራታቸውን ከፌዴሬሽኑ የተላከልን መረጃ አመልክቷል። ለሲሼልሱ ጨዋታ ዝግጅትም ሀምሌ 29 ቀን እንደሚጀመር የፌዴሬሽኑ መግለጫ አክሎ ተናግሯል።

በሌላ ዜና ለሞዛምቢኩ ከ20 ዓመት በታች የአፍሪካ ዋንጫ ለማለፍ እየተወዳደረ ያለው የኢትዮጵያ ከ20 ዓመት በታች ብሔራዊ ቡድን የፊታችን እሁድ ከጋና አቻው ጋር በጋና ጎልድ ኮስት ከተማ ይጫወታል። ቡድኑ ወደ ጋና ከማምራቱ በፊት የወዳጅነት ጨዋታ ከማሊ ብሔራዊ ቡድን ጋር ተጫውቶ አምስት ለባዶ ተሸንፎ ነው ወደ ጋና ያመራው።

በአሰልጣኝ ግርማ ሀብተዮሀንስ የሚመራው ከ20 ዓመት በታች ብሔራዊ ቡድን ከጋና ብሔራዊ ቡድን ጋር ባደረገው የመጀመሪያ ጨዋታ አዲስ አበባ ላይ በአሚ መሃመድ ሁለት ጎሎች ሁለት ለአንድ ማሸነፍ ችሎ ነበር።

ethiopianathletics.net
 
Share this News/Article on your facebook page:    
 
ኤልያስ [512 days ago.]
 ይመቻል

Your Comment /አስተያየት
Name:
Email:
 
 
Comment:  *
 
 
 
 
Copyright© 2014 Ethiopianathletics.net All rights reserved!