Recently Posted News
  እግር ኳስ ፌዴሬሽን የብሔራዊ ቡድን አባላትን ሸለመ
ሰኔ 21, 2008

  •  ለሽልማት 539 ሺህ ብር ወጭ አድርጓል
  • በሽልማቱ ሰባት ተጫዋቾችና አምስት ጋዜጠኞች ብቻ ተገኝተዋል
በይርጋ አበበ

የኢትዮጵያ እግር ኳስ ፌዴሬሽን የወንዶች ብሔራዊ ቡድን በአፍሪካ ዋንጫ ማጣሪያ የሌሴቶ አቻውን በማሸነፉ የማበረታቻ ሽልማት አበረከተ። ፌዴሬሽኑ ትናንት በኢንተርኮንቲኔንታል ሆቴል በሰጠው የሽልማት ስነ ስርዓት እንዳስታወቀው ከፍተኛ ተሸላሚ ያደረገው አሰልጣኝ ገብረ መድህን ሀይሌን ነው።

ከ15 ሺህ ብር ጀምሮ እስከ 20 ሺህ ብር እንደየደረጃቸው ለተጫዋቾች ሽልማት ያበረከተው እግር ኳስ ፌዴሬሽኑ ለአሰልጣኝ ገብረመድኅን ሀይሌ የ25ሺህ ብር ሽልማት አበርክቶላቸዋል። በአጠቃላይ ለሽልማት 539 ሺህ ብር ወጭ ማድረጉንም የፌዴሬሽኑ ጊዜያዊ ዋና ጸሃፊ እና የህዝብ ግንኙነት ኃላፊው አቶ ወንድምኩን አላዩ ለኢትዮፉትቦል ዶትኮም ተናግረዋል።

ለተጫዋቾች ሽልማቱን የሰጡት የፌዴሬሽኑ ምክትል ሊቀመንበር አቶ ተክለወይኒ አሰፋ ሲሆኑ “ሽልማቱን በጊዜ ባለመስጠታችን ይቅርታ እንጠይቃለን። ነገር ግን ዘግይቶ በመምጣቱ እንደ ቁጠባ ቁጠሩት” ሲሉ በቀልድ መልክ የፌዴሬሽኑን ዳተኝነት ተናግረዋል። የዋልያዎቹ አሰልጣኝ ገብረመድህን ሀይሌ በበኩሉ “ለተደረገልን ሽልማት በቡድኑ አባላት እና በራሴ ስም አመሰግናለሁ። ይህ ሽልማት በቀጣይ ከሲሸልስ ጋር ለምናደርገው ጨዋታ ማነቃቂያ ይሆነናል። ወደፊት ጠንክረን በመስራትም ወደ ተሻለ ደረጃ እንደርሳለን” ሲል ተናግሯል።

በሽልማት አሰጣጥ ስነ ስርዓቱ ላይ ሰባት ተጫዋቾች ብቻ የተገኙ ሲሆን ከመገናኛ ብዙሃን ባለሙያዎች መካከልም አምስት ጋዜጠኞች ብቻ ተገኝተዋል።

የኢትዮጵያ ብሔራዊ ቡድን ለ2017 የአፍሪካ ዋንጫ ማጣሪያ የመጨረሻ ጨዋታውን የፊታችን ነሀሴ መጨረሻ አዲስ አበባ ላይ ከሲሸልስ አቻው ጋር የሚጫወት ሲሆን ቡድኑ ከአንድ ወር በኋላም ዝግጅት እንደሚጀምር አቶ ወንድምኩን አላዩ ተናግረዋል።

ethiopianathletics.net
 
Share this News/Article on your facebook page:    
 
Your Comment /አስተያየት
Name:
Email:
 
 
Comment:  *
 
 
 
 
Copyright© 2014 Ethiopianathletics.net All rights reserved!