Recently Posted News
  ፈረሰኞቹ በድርብ ድል ዋንጫ 80ኛ ዓመታቸውን አከበ
ሐምሌ 01, 2008

ፈረሰኞቹ በድርብ ድል ዋንጫ 80ኛ ዓመታቸውን አከበሩ

በይርጋ አበበ

የኢትዮጵያን ፕሪሚየር ሊግ ያለ ተቀናቃኝ የነገሱበት ፈረሰኞቹ በጥሎ ማለፍም ትናንት መከላከያን በመለያ ምት አሸንፈው ዋንጫውን ማንሳት ችለዋል። ባለፈው ዓመት በተመሳሳይ ውድድር ተገናኝተው መከላከያ ያደረሰባቸውን ሽንፈትም ማወራረድ የቻሉ ሲሆን በአንድ የውድድር ዓመትም ሁለት ትልልቅ ዋንጫዎችን በማንሳት የውድድር ዓመቱን ማጠናቀቅ ችለዋል።

ፕሪሚየር ሊጉን ያነሳው ክለብ በአፍሪካ ሻምፒዮንስ ሊግ እንዲሁም የጥሎ ማለፍ ዋንጫውን ማንሳት የቻለው ቡድን ደግሞ በኮንፌዴሬሽን ዋንጫ አገራቸውን እንዲወክሉ ህጉ ይፈቅድላቸዋል። ሆኖም የዚህን ዓመት ውድድር ሁለቱንም ዋንጫዎች ጠራርጎ የወሰደው ቅዱስ ጊዮርጊስ ነው። ቅዱስ ጊዮርጊስ ደግሞ በሻምፒዮንስ ሊጉ የሚወዳደር በመሆኑ በቀጣዩ ዓመት መከላከያ ኢትዮጵያን ወክሎ በከንፌዴሬሽን የመወዳደር እድል አግኝቷል።

80ኛ ዓመት የምስረታ በዓላቸውን እያከበሩ ያሉት ፈረሰኞቹ ትናንት ያስመዘገቡት የጥሎ ማለፍ ድል ባለፈው ሳምንት ካነሱት የፕሪሚየር ሊግ ዋንጫ ጋር ተደምሮ ለበዓላቸው ድምቀት ሆኖላቸዋል። በሊጉ ግብ ጠባቂውን ሮበርት ኦዶንካራን፣ ተከላካዩን አስቻለው ታመነን እና አሰልጣኝ ማርቲን ኖይን የውድድር ዓመቱ ኮከብ አድርጎ ያስመረጠው ቅዱስ ጊዮርጊስ ትናንት የጥሎ ማለፉን ዋንጫ ሲያነሱ ደግሞ አዳነ ግርማ የውድድሩ ኮከብ ጎል አግቢ ሆኖላቸዋል።

ስታዲየሞች የኳስ መጫወቻ ሳይሆን የጥል አውድማ መስለው በከረሙበት የ2008 ዓ.ም የውድድር ዘመን ፈረሰኞቹ የጥሎ ማለፍ ዋንጫቸውን በአዳማ በከፍተኛ ተቃውሞ ታጅበው ዋንጫውን ማንሳት ችለዋል። በዚህ የውድድር ዓመት የድርብርብ ድሎች ባለቤት የሆነው ቅዱስ ጊዮርጊስ በአህጉራዊ ውድድሮች ላይ የሚያስመዘግበውን መጥፎ ታሪክ የመቀየር እድሉ ከፊቱ ቀርቦለታል። በመሆኑም በቀጣዩ የውድድር ዓመት በአፍሪካ ሻምፒዮንስ ሊግ ካለፉት ዓመታት ደካማ ውጤቱ የተሻለ ማስመዝገብ ካልቻለ በአገር ውስጥ ያለው የበላይነት ዋጋ ቢስ ይሆንበታል። ለዚህም ለቀጣዩ ዓመት ከፍተኛ ዝግጅት ያደርጋል ተብሎ ይጠበቃል።

ethiopianathletics.net
 
Share this News/Article on your facebook page:    
 
Your Comment /አስተያየት
Name:
Email:
 
 
Comment:  *
 
 
 
 
Copyright© 2014 Ethiopianathletics.net All rights reserved!