Recently Posted News
  ዳሽን ቢራ እግር ኳስ ክለብ ፈረሰ
ነሐሴ 07, 2008


በይርጋ አበበ

ከፍተኛ ገንዘብ እያፈሰሰ ዝቅተኛ ውጤት ሲያስመዘግብ የቆየው ዳሽን ቢራ እግር ኳስ ክለብ መፍረሱን ከውስጥ አዋቂ ምንጮች ባገኘነው መረጃ ለማወቅ ችለናል። ከአንድ ወር በፊት የክለቡን ዋና ስራ አስኪያጅ አቶ ልዑልን በስልክ አነጋግሮ የነበረው የኢትዮፉትቦል ዶትኮም ዘጋቢ “ክለቡ ይፈርሳል ወይስ አይፈርስም” የሚል ጥያቄ አቅርቦላቸው ነበር። አቶ ልዑል ሲመልሱም ገና መውረዳችንን መች አወቅንና ከፌዴሬሽኑ ጋር እየተከራከርን ነው ያላግባብ የተቀማነውን ሶስት ነጥብ እንዲመልሱልን” ሲሉ ነበር የመለሱለት። አቶ ልዑል በወቅቱ ለዘጋቢያችን አያይዘውም “ስለ ክለቡ ቀጣይ ጉዞ በስራ አስፈጻሚ ተወስኖ የሚተላለፈውን ለመገናኛ ብዙሃን እናሳውቃለን” ብለውታል።

እንደ አስራት መገርሳ የተሻ ግዛው መስፍን ኪዳኔ እና ያሬድ ባየህ አይነት ኮከብ ተጫዋቾችን ያሰባሰበው ዳሽን ቢራ በዚህ ዓመት ባስመዘገበው እጅግ ደካማ ውጤት ምክንያት ወደ ሱፐር ሊጉ መውረዱ ይታወሳል። ይህን ተከትሎም በየዓመቱ ከ40 ሚሊዮን ብር ያላነሰ ለክለቡ የሚመድበው ቢራ ፋብሪካው በክለቡ ከተጠቀመው ይልቅ የከሰረው ስለበለጠበት ለማፍረስ እንዳነሳሳው ተገምቷል።

የደሽን ቢራን መፍረስ ተከትሎ እንደ ያሬድ ባየህ እና አስራት መገርሳ አይነት የብሔራዊ ቡድኑ ተጫዋቾች ከዳሽን ቢራ ለቀው ወደሚፈልጓቸው ክለቦች በነጻ የማምራት እድል ይኖራቸዋል ማለት ነው። በዚህም መሰረት በተለይ አስርት መገርሳ በጥብቅ ወደ ሚፈልገው ኢትዮጵያ ቡና የማምራት ነጻነት ያገኛል። ከዳሽን ቢራ የመልቀቂያ ወረቀት ካገኘሁ ማረፊያዬ ቡና ነው ብሎ መናገሩን ከቡና ሰወች ቀደም ሲል ምተናል።

ethiopianathletics.net
 
Share this News/Article on your facebook page:    
 
tegneabebe [383 days ago.]
 MengzamI a.t

Your Comment /አስተያየት
Name:
Email:
 
 
Comment:  *
 
 
 
 
Copyright© 2014 Ethiopianathletics.net All rights reserved!