Umbro ከአዳነ ግርማና አስቻለው ግርማ ጋር ለመስራት ተስማማ
የካቲት 18, 2007

ታዋቂውና ከተመሰረተ 90 ዓመታትን ያስቆጠረው የስፖርት ትጥቅ አምራቹ አምብሮ በኢትዮጵያ ምርቱን በስፋት ለማስተዋወቅ የቅዱስ ጊዮርጊሱን አዳነ ግርማ እና የኢትዮጵያ ቡናውን አጥቂ አስቻለው ግርማን በሞዴልነት እንዲያስተዋውቁለት ተስማማ። ኢትዮጵያ ከ31 ዓመታት ቆይታ በኋላ ወደ አፍሪካ ዋንጫ ተሳትፎ እንድትጓዝ ከማጣሪያው ጀምሮ በርካታ ስራዎችን ለአገሩ ብሔራዊ ቡድን የሰራውና በውድድሩም ለአገሩ ከ37 ዓመታት በኋላ ጎል ያስቆጠረው  የፈረሰኞቹ ሁለገብ ተጫዋች አዳነ ግርማ “ቀደም ሲል እንደ ማይክል ኦውን፣ ሮቤርቶ ካርሎስና አላን ሽረር አይነት ኮከቦች ተጫምተውን የተጫወቱበትን ጫማ ተጫምቼ እንድጫወት እድሉን ስላገኘሁ ተደስቻለሁ ኩራትም ይሰማኛል” ማለቱን ሳምንታዊው ካፒታል እንግሊዝኛ ጋዜጣ አስነብቧል። የድርጅቱ ተወካይ በበኩላቸው “አዳነ ግርማ ለአገሩ ብሔራዊ ቡድንና ለክለቡ ቅዱስ ጊዮርጊስ የሰራውን ስራ በማየታችን አብሮን እንዲሰራ መርጠነዋል” ብለዋል። 
Adane Girma Umbro Deal

የአምብሮ ሁለተኛ አስተዋዋቂ ሆኖ የተመረጠው የኢትዮጵያ ቡናው አጥቂ አስቻለው ግርማ በበኩሉ “ውሉ አልተጠናቀቀም ነገር ግን በቅርቡ ሙሉ በሙሉ ይጠናቀቃል። 
Aschalew Girma Umbro deal

በእኔና በድርጅቱ መካከል የመጨረሻ ውል የምንፈራረመው በቀጣዮቹ ጥቂት ቀናት ውስጥ ነው። ድርጅቱ ይህንን እድል የሰጠኝ ሜዳ ላይ ባሳየሁት ብቃት በመሆኑ በጣም ደስ ብሎኛል” ያለ ሲሆን አጥቂው አያይዞም “እንደዚህ አይነት የስፖንሰርሽፕ ስምምነቶች ወደ አገራችን መምጣታቸው ለእግር ኳስ ተጫዋቾች የገቢ ምንጭ ጥሩ እድል ነው ተጫዋቾቹንም ይበልጥ የሚያተጋ ነው” ሲል ለኢትዮፉትቦል ዶትኮም ታግሯል። ድርጅቱ አስቻለው ግርማን የመረጠበትን ምክንያት ሲገልጽ “እኛ ከአስቻለው ጋር ለመስራት የወሰንነው ሜዳ ላይ እያሳየ ያለው ብቃትና ወደ ፊት ደግሞ ማንጸባረቅ የሚችል ወጣት መሆኑን ስላየን ነው” ማለቱን ካፒታል ጋዜጣ ለንባብ አብቅቷል። 

በሌላ ዜና የኢትዮጵያ ቡናው ተከላካይ ቶክ ጀምስ ከክለቡ ጋር የነበረውን ውዝግብና ቅጣት ጨርሶ ለወልድያ ከነማ ሊፈርም መሆኑ ተነገረ። ለኢትዮጵያ ቡና ቅርብ የሆኑ የኢትዮፉትቦል ዶት ኮም ምንጮች እንደገለጹት ቶክ ጀምስ ወደ ወልድያ የሚያመራው የኢትዮጵያ እግር ኳስ ፌዴሬሽን ተፈጻሚ ባደረገው አዲሱ የተጫዋቾች ዝውውር መመሪያ መሰረት ነው። በዚህም መሰረት ኢትዮጵያ ቡና ከቶክ ጀምስ ዝውውር 600 ሺህ ብር የሚያገኝ ይሆናል። 

ቶክ ጀምስ ከኢትዮጵያ ቡና ጋር በፈጠረው ውዝግብ ያለፉትን ስድስት ወራት ከጨዋታ ርቆ የቆየ ሲሆን አዲሱ ክለቡ ይሆናል ተብሎ የሚጠበቀው ወልድያ ከነማ ደግሞ ያለፉትን ስድስት ወራት የግብ መስመሩ በቀላሉ የሚደፈርና ለሁሉም ክለቦች ክፍት የሆነ ክለብ ሆኖ ነበር የቆየው። ወልድያ ከነማ ፕሪሚየር ሊጉን ከተቀላቀለበት ጊዜ ጀምሮ ባካሄዳቸው 13 ጨዋታዎች መረቡን ሳያስደፍር የወጣው በሁለት ጨዋታዎች ብቻ ነው። ይህ ደግሞ አዲሱን የፕሪሚየር ሊግ ክለብ ወደ ብሔራዊ ሊግ የመውረድ ስጋት ላይ እንዲጥለው አድርጎታል። 

ethiofootball.com
 
 
ዜናውን፣ ጽሑፉን ከወደዱት የፌስቡክ ገጾ ላይ ሼር ያድርጉት
 
Dear Readers: The views expressed on our comment pages under are the personal views of individual contributors and ethiofootball.com bears no responsibility for what readers post and is not liable for any form of impersonation. also note that while we value your feedback we may block inappropriate comment.
በረከት [984 days ago.]
 good

 
Your Comment /አስተያየት *   Required
     
Name:
 
Email:
 
 
 
 
Comment:
* Amharic keyboard
   
 
     
     
 
Copyright© 2014 Ethiofootball.com All rights reserved!