ፌዴሬሽኑ ለአሰልጣኝ ዮሃንስ ሳህሌ 75ሺ ብር ለመክፈል ተስማማ
ሚያዚያ 25, 2007

አሰልጣኝ  ዮሃንስ ሳህሌ ከሰኞ ሚያዝያ 26/ 2007 ጀምሮ ዋሊያዎቹን የማሰልጠን ሃሊፊነቱን  የወር  ደሞዝ 75ሺ ብር እየተከፈላቸው እንዲጀምሩ ፌዴሬሽኑ መስማማቱን አስታውቋል። ሙሉ የፌዴሽኑን መግለጫ ከዚህ በታች አቅርበነዋል።

አሰልጣኝ ዮሐንስ ሳህሌ ሰኞ ሚያዝያ 26/ 2007 ስራ ይጀምራል

የኢትዮጵያ ብሔራዊ እግር ኳስ ቡድን-የዋሊያዎቹ ዋና አሰልጣኝ  በመሆን በኢትዮጵያ እግር ኳስ ፌዴሬሽን ስራ አስፈጻሚ ኮሚቴ ባለፈው ሳምንት የተመረጠው  ዮሐንስ ሳህሌ  ሰኞ ሚያዝያ 26 ቀን 2007 ዓ.ም  የማሰልጠን ስራውን በይፋ ይጀምራል፡፡ ዮሐንስ ሳህሌ የብሔራዊ ቡድኑን ዋና አሰልጣኝነት እና ታላቅ ሃገራዊ ሃላፊነት  እንዲረከብ የተላለፈውን ውሳኔ ተከትሎ  በፌደሬሽኑና በአሰልጣኙ መካካል የተካሄዱት ተከታታይ ውይይቶች በተሳካ ሁኔታ ከተጠናቀቁ በኋላ ፌዴሬሽኑና አሰልጣኙ በተፈራረሙት የቅጥር ውል  መሰረት አሰልጣኝ ዮሃንስ ሳህሌ ከሰኞ  ሚያዝያ 26/ 2007 ጀምሮ ዋሊያዎቹን የማሰልጠን ሃላፊነቱን ይረከባል፡፡ ዮሐንስ ሳሕሌ ከደደቢት እግር ኳስ ክለብ የተሰጠውን የማሰልጠን ሃላፊነት እሁድ ሚያዘያ 25/2007 እንሚያጠናቅቅና በክብር እንደሚሰናበት የሚጠበቅ ሲሆን፤ የደደቢት እግር ኳስ ክለብ ክለብ ያሳየው ፍጹም ቀናነት የተሞላውና ብሄራዊ ግዴታን የማስቀደም ተባባሪነት አሰልጣኙ በፍጥነት ስራውን እንዲጀምር አመቺ ሆኖለታል፡፡

ፌዴሬሽኑና አሰልጣኙ የተፈራረሙት የቅጥር ውል  ዋና ዓላማ  እ.አ.አ. በ2017 ጋቦን በምታስተናግደው የአፍሪካ ዋንጫ  ዋሊዎቹ ከተደለደሉበት ምድብ 10 ከስድስት የማጣሪያ ጨዋታዎች ውስጥ ወደ ዋናው ውድደድር ለማለፍ የሚያስላቸውን  ነጥብ በማግኘት የ31ኛው የአፍሪካ እግር ኳስ ዋንጫ  ተሳታፊነታቸውን በማረጋጋጥ ላይ ይመሰረታል፡፡በቻን 2016 እና በሴካፋ አህጉራዊና ክፍለ አህጉራዊ  ውድድሮችም አመርቂ ውጤት ይጠበቃል፡፡

በውል ስምምነቱ መሰረት የኢትዮጵያ ብሔራዊ ቡድን እ.አ.አ በ2017ዓ.ም ጋቦን በምታስተናገደው 31ኛው የአፍሪካ እግር ኳስ ሻምፒዮና ዋንጫ ተካፋይ ለመሆን ከቻለ የአሰልጣኝ ዮሐንስ የስራ ዘመን እ.አ.አ እስከ ኤፕሪል 2017 ዓ.ም ድረስ እንደጸና ይቆያል፡፡ የብሔራዊ ቡድኖች መጠናከር ልዩ ትኩረት የሚሻ ቀዳሚ ተግባር መሆኑን በማማንም ፌዴሬሽኑ ለአሰልጣኝ ዮሐንስ  75 000 ብር  ወርሃዊ ደመወዝ ይከፍላል፡፡ተሽከርካሪ ከሾፌር ጋር እንዲሁም ባለመስመር የሞባይል ስልክና የጤና ኢንሹራንስ ከማሟላት በተጨማሪም  ውጤትን መሰረት ያደረገ ማበረታቻ   ይሰጣል፡፡

የኢትጵያ ብሔራዊ እግር ኳስ ቡድን ረዳትና የግብ ጠባቂ አሰልጣኞች ቅጥር በቅርቡ የሚካሄድ  ሲሆን አሰልጣኝ የሐንስ ሳህሌ የረዳቶቹን ማንነት በአጭር ጊዜ ወስጥ ለፌዴሬሽኑ እንደሚያሳውቅ ይጠበቃል፡፡የቴክኒክና ልማት ብሔራዊ ኮሚቴ የሚሰጠውን አሰተያያት መነሻ በማድረግም የረዳቶቹ ቅጥር በኢትዮጵያ እግር ኳስ ፌደሬሽን ስራ አስፈጻሚ ኮሚቴ እንደሚጸድቅ ለማወቅ ተችሏል፡፡ፌዴሬሽኑና አሰልጣኙ የደረሱበትን ስምምነትና የተፈራረሙትን የቅጥር ውል በተመለከተም ሰሞኑን ጋዜጣዊ መግለጫ ይሰጣል፡፡


ethiofootball.com
 
 
ዜናውን፣ ጽሑፉን ከወደዱት የፌስቡክ ገጾ ላይ ሼር ያድርጉት
 
 
Your Comment /አስተያየት *   Required
     
Name:
 
Email:
 
 
 
 
Comment:
* Amharic keyboard
   
 
     
     
 
Copyright© 2014 Ethiofootball.com All rights reserved!