በሊጉ 11ኛ ሳምንት አራት ጨዋታዎች
የካቲት 15, 2008

ሀዋሳ ከነማ ወደ አሸናፊነት ተመለሰ ድሬዳዋ በሜዳው ያለመሸነፍ ሪከርዱን አስጠብቋል!!

በይርጋ አበበ

የኢትዮጵያ ፕሪሚየር ሊግ 11ኛ ሳምንት መርሃ ግብር ዛሬ ከቀኑ ዘጠኝ ሰዓት ጀምሮ በአራት የክልል ከተሞች ተካሂዷል። ወደ ይርጋለም ያቀናው ደደቢት ሁለት እኩል ተለያይቶ አንድ ነጥብ ይዞ ተመልሷል። ለሲዳማ ቡና ሁለቱን ጎሎች ፍጹም ተፈሪ ወይም ፈቹል ከእረፍት በፊት ሲያስቆጥር ለደደቢት ደግሞ  ሳምሶን ጥላሁን እና ብርሃኑ ቦጋለ ፋዲጋ ናቸው ከእረፍት መልስ ያስቆጠሯቸው።

ወደ ሆሳዕና ያቀናው ኢትዮ ኤሌክትሪክ በበኩሉ በግዙፉ ናይጄሪያዊ አጥቂው ፒተር ንዋድኬ ብቸኛ ጎል አንድ ለባዶ አሸንፎ ተመልሷል።  ኢትዮጵያ ቡናን ያስተናገደው ድሬዳዋ ከነማ ደግሞ በሜዳው ያለመሸነፍ ሪከርዱን አስጠብቋል። በጎል ቀዳሚ የነበሩት ቡናዎች በያቡን ዊሊያም አማካኝነት መምራት ቢችሉም የመሰረት ማኒ ቡድን በፈቃዱ ወርቁ ጎል ነጥብ ተጋርተው ወጥተዋል።

ለሳምንታት ማሸነፍ ተስኖት ሽንፈት በርትቶበት የቆየው ሀዋሳ ከነማ በሜዳው አርባ ምንጭ ከነማን አስተናግዶ ሶስት ለአንድ በሆነ ሰፊ የጎል ልዩነት ማሸነፍ ችሏል። ለሀዋሳ ከነማ የማሸነፊያ ጎሎቹን እስራኤል እሸቱ፣ ደስታ ዮሃንስ እና አስቻለው ግርማ ናቸው። የአርባ ምንጭን ብቸኛ ጎል ያስቆጠረው ታገል አበበ ነው። ውጤተን ተከትሎም ሀዋሳ ከነማ ነጥቡን 12 በማድረስ ደረጃውን አሻሽሎ ከወራጅ ቀጠና መውጣት የቻለ ሲሆን ደረጃውም 11ኛ ሆኗል።

ሊጉ ነገም ቀሎ ሲካሄድ ቦዲቲ ላይ ወላይታ ድቻ ከአዳማ ከነማ ይጫወታሉ። ዳሽን ከቅዱስ ጊዮርጊስ እና ንግድ ባንክ ከመከላከያ የሚያደርጓቸው ጨዋታዎች ቅዱስ ጊዮርጊስ እና መከላከያ አህጉራዊ ውድድር ስላለባቸው የፕሪሚየር ሊግ ጨዋታቸው ለሳምንት ተራዝሞላቸዋል።

ethiofootball.com
 
 
ዜናውን፣ ጽሑፉን ከወደዱት የፌስቡክ ገጾ ላይ ሼር ያድርጉት
 
 
Your Comment /አስተያየት *   Required
     
Name:
 
Email:
 
 
 
 
Comment:
* Amharic keyboard
   
 
     
     
 
Copyright© 2014 Ethiofootball.com All rights reserved!