የፕሮግራም ለውጥ የሚበዛበት ፕሪሚየር ሊግ ሰሞኑንም ሶስት ጨዋታዎች ለውጦች ተደርገውበታል
የካቲት 16, 2008


በይርጋ አበበ

የኢትዮጵያ እግር ኳስ ፌዴሬሽን ለዝግጅት ክፍላችን በላከው መረጃ እንዳስታወቀው ሁለት የፕሪሚየር ሊግ ጨዋታዎች የቀን ለውጥ የተደረገባቸው ሲሆን አንድ ጨዋታ ደግሞ ቀድሞ ተይዞለት ከነበረው ቦታ እንዲቀየር ተደርጓል። የቀን ለውጥ የተደረገባቸው ጨዋታዎች ወላይታ ድቻ ከአዳማ ከነማ የካቲት 19 ቀን ሊያደርጉት የነበረው ወደ የካቲት 18 እና ኤሌክትሪክ ከወላይታ ድቻ የካቲት 20 ሊያከናውኑት የነበረው ወደ የካቲት 24 ቀን ተዘዋውረዋል።

እዚህ ላይ የፌዴሬሽኑ ውሳኔ በርካቶችን ያስተዛዘበ ሲሆን የጨዋታ ፕሮግራም ማሻሻያ ባያካሂድ ኖሮ ወላይታ ድቻ ከአዳማ ከነማ ጋር የካቲት 19 ቀን ቦዲቲ ላይ ተጫውቶ በማግስቱ አዲስ አበባ ላይ ከኤሌክትሪክ ጋር እንዲጫወት የሚያስገድድ ፕሮግራም ኖሯል የቀረጸው ማለት ነው።

በሌላ በኩል ዳሽን ቢራ ከሀዋሳ ከነማ የካቲት 20 ቀን በጎንደሩ አጼ ፋሲል ስታዲየም ሊያካሂዱት የነበረው ጨዋታ የጨዋታው እለት ሳይቀየር ቦታው ግን ከጎንደር ወደ ባህር ዳር መዘዋወሩን ፌዴሬሽኑ አስታውቋል። ዳሽን ቢራ መቀመጫው ጎንደር መሆኑ እየታወቀ ነገር ግን ከሀዋሳ ከነማ ጋር የሚያካሂደው ጨዋታ ባህር ዳር ላይ እንዲካሄድ መወሰኑ ለምን እንዳስፈለገ ግልጽ አይደለም። ፌዴሬሽኑም “የጨዋታውን ቦታ መቀየር አስፈላጊ ሆኖ በመገኘቱ” የሚል ምክንያት ከማስቀመጡ የዘለለ ሌላ ምክንያት አልገለጸም።

ኢትዮፉትቦል ዶትኮም ባደረገው ጥረት ለማወቅ እንደቻለው ግን ከቅርብ ጊዜያት ወዲህ ጎንደር ላይ የሚካሄዱ ጨዋታዎች በሰላም የሚጠናቀቁበት እድል እየጠበበ መጥቷል። ለዚህ ምክንያቱ የዳሽን ቢራ ውጤት ማሽቆልቆል ነው ተብሎ ቢገመትም ነገር ግን ከዳሽን ቢራ በዘለለ በሱፐር ሊጉ የሚወዳደረው ፋሲል ከነማ ሲጫወትም ስታዲየም የሚታደሙ ተመልካቾች የተለያዩ ጥያቄዎችን ይዘው ስታዲየም በመግባት ረብሻ እየተፈጠረ መሆኑ ታውቋል። የደጋፊዎቹ ጥያቄ ምን እነደሆነ ወደ ፊት ተከታትለን ለማቅረብ የምንሞክር ይሆናል።


ethiofootball.com
 
 
ዜናውን፣ ጽሑፉን ከወደዱት የፌስቡክ ገጾ ላይ ሼር ያድርጉት
 
 
Your Comment /አስተያየት *   Required
     
Name:
 
Email:
 
 
 
 
Comment:
* Amharic keyboard
   
 
     
     
 
Copyright© 2014 Ethiofootball.com All rights reserved!