ዋልያዎቹ ላይ አስር ጎል ያዘነበችው አልጀሪያ በአህጉሪ መሪነት ቀጠለ
ሚያዚያ 28, 2008

በይርጋ አበበ ፊፋ የሚያዝያ ወር የአገራትን ደረጃ ይፋ አድርጓል። ዋልያዎቹ 288 ነጥብ በማግኘት ከአፍሪካ 38ኛ ከዓለም ደግሞ ከጆርጂያ ጋር እኩል 123ኛ ደረጃ ላይ ሲቀመጡ አልጀሪያ አሁንም የአፍሪካ ቀዳሚ ሆናለች።

በየወሩ የሚወጣው የፊፋ የአገራት ደረጃ በዚህ ወር ምንም እንኳ ኢንተርናሽናል የነጥብም ሆነ የወዳጅነት ጨዋታ ያልተካሄደ ቢሆንም የደንቡ እንዳይቀር ይመስላል ደረጃውን ይፋ አድርጓል። በዚህም ምክንያት ከአንደኛ እስከ 52ኛ ድረስ ካለፈው ወር ጋር ምንም አይነት ለውጥ ሳይኖር ቀጥሏል። 

አሰልጣኝ አሰናብታ በጊዜያዊ አሰልጣኝ ለመቀጠል እያሰበች ያለችው አገራችን 123ኛ ደረጃን እንደያዘች እንድትቀጥል ተፈርዶባታል። በሌላ በኩል ዋልያዎቹ ላይ አስር ጎሎችን በ180 ደቂቃዎች ያዘነቡት አልጄሪያዎች ከፊፋ 33ኛ ደረጃን ሲይዙ ከእነሱ ቀጥሎ ያለውን ደረጃ ደግሞ ኮትዲቯር ይዛዋለች ከአፍሪካ ሁለተኛ ከዓለም 34ኛ በመሆን። 

እስከ አስረኛ ያለውን ደረጃ የያዙት የሁለት አህጉር ተወካዮች ማለትም የላቲን አሜሪካ እና አውሮፓ ተወካዮች ናቸው። የወቅቱ የምድራችን ቁጥር አንድ ተጫዋች በአምበልነት የሚመራት ደቡብ አሜሪካዊቷ አርጀንቲና የዓለማችን ቁጥር አንድ ብሔራዊ ቡድን ደረጃን ስትይዝ የክርስቲያኖ ሮናልዶ አገር ፖርቹጋል በበኩሏ ስምንተኛ ደረጃ ላይ ተቀምጣለች። ቺሊ፣ ኮሎምቢያ፣ ብራዚል እና ዑራጋይ ደግሞ ከአርጄንቲና በተጨማሪ ሌሎች ላቲን አሜሪካዊያን አገር ናቸው እስከ አስረኛ ደረጃ ያለውን በመያዝ። ለባርሴሎና የሚጫወቱት የሶስቱ ላቲን አሜሪካዊያን አጥቂዎች ማለትም የሜሲ የኔይማርና የሱዋሬዝ አገሮች በፊፋም ቀዳሚ መሆን ችለዋል።

 የ2014 የዓለም ዋንጫ አሸናፊዋ ጀርመን አምስተኛ ደረጃን ስትይዝ ቤልጅየም ሁለተኛ ስፔን ስድስተኛ እና እንግሊዝ አስረኛ ደረጃን ይዘዋል። የአውሮፓ ዋንጫ አዘጋጇ ፈረንሳይ በበኩሏ 21ኛ ደረጃን ይዛለች። አሜሪካ ከቼክ ሪፐብሊክ ጋር በነጥብ ተጋርታ 29ኛ ደረጃ ላይ ተቀምጣለች።

ethiofootball.com
 
 
ዜናውን፣ ጽሑፉን ከወደዱት የፌስቡክ ገጾ ላይ ሼር ያድርጉት
 
 
Your Comment /አስተያየት *   Required
     
Name:
 
Email:
 
 
 
 
Comment:
* Amharic keyboard
   
 
     
     
 
Copyright© 2014 Ethiofootball.com All rights reserved!