የማለፍ እድሉን በሌሎች ትከሻ ላይ የጣለው የኢትዮጵያ ብሔራዊ ቡድን እና የሌሴቶ ጨዋታ
ግንቦት 25, 2009

በይርጋ አበበ

ለጋቦኑ የ2017 የአፍሪካ ዋንጫ ከጠንካራው የአልጄሪያ ብሔራዊ ቡድን እና ከደካማዎቹ ሌሴቶ እና ሲሸልስ ጋር የተደለደለው የኢትዮጵያ ብሔራዊ ቡድን አምስት ነጥብ እና አምስት የጎል እዳ የማለፍ እድሉን አጣብቂኝ ውስጥ አስገብቶታል። ብሔራዊ ቡድኑ በተለይ ከሲሸልስ ጋር ባደረገው ጨዋታ ነጥብ መጣሉ በርካቶችን ያስገረመ ሲሆን ከዚህ የባሰው ደግሞ አልጄሪያ ላይ በአልጄሪያ ብሔራዊ ቡድን ሰባት የጎል ናዳ ወርዶበት መመለሱ የብሔራዊ ቡድኑን ተስፋ ያጨለመ ሲሆን የእግር ኳስ ቤተሰቡን አንገትም ያስደፋ ክስተት ነበር።

ለዚህ ሁሉ የብሔራዊ ቡድኑ ውድቀት የመጀመሪያ ተጠያቂ የነበሩትን አሰልጣኝ ዮሃንስ ሳህሌን በእግር ኳስ ቤተሰቡ እና በመገናኛ ብዙሃን ጫና ከኃላፊናቸው ያስነሳው የኢትዮጵያ እግር ኳስ ፌዴሬሽን በምትካቸው አሰልጣኝ ገብረመድኅን ኃይሌን መሾሙ ይታወቃል። አሰልጣኝ ገብረመድኅን የብሔራዊ ኃላፊነቱን ከተቀበሉ በኋላ ለመጀመሪያ ጊዜ በሰጡት ጋዜጣዊ መግለጫ እንዳስታወቁትም “በአር ጊዜ ታዕምር መስራት ባንችል እንኳ አንገቱን የደፋውን የእግር ኳስ ቤተሰብ እንዲነቃቃ ማድረግ እንችላለን” ሲሉ መናገራቸው ብሔራዊ ቡድኑ በአሰልጣኝ ዮሃንስ ሳህሌ ዘመን ምን ያህል እንደወደቀ አመላካች ነው።

አሰልጣኝ ገብረመድኅን በመግለጫቸው አያይዘውም “የማለፍ እድላችን በእኛ ማሸነፍ እና በሌሎች ምድብ የሚገኙ ተመሳሳይ ደረጃ ያላቸው ቡድኖችን መሸነፍ እንጠብቃለን። የመጀመሪያውን የቤት ስራ ለመስራትም እኛ በቀሪዎቹ ጨዋታዎቻችን አጥቅተን በመጫወት ለማሸነፍ እንሰራለን” ሲሉ ተናግረዋል። ብሔራዊ ቡድኑን ላለፉት ሁለት ሳምንታት በአዲስ አበባ ሲያዘጋጁ የቆዩትና በመጨረሻም ከኢትዮጵያ ንግድ ባንክ ጋር የወዳጅነት ጨዋታ ያደረጉት አሰልጣኝ ገብረመድኅን “የወዳጅነት ጨዋታ ለማካሄድ በዝግጅቱ ታሳቢ ተደርጎ ነበር። ፌዴሬሽኑም ይህን ለማሳካት ጥረት ቢያደርግም ሊሳካለት አልቻለም። እኔ ለምን አልተሳካለትም ብዬ አልከፋም ሆኖም የወዳጅነት ጨዋታ ብናገኝ ኖሮ መልካም ነበር” ሲሉ ገልጸዋል። በዝግጅት ወቅት የቡድኑ ተጫዋቾች ያሳዩት ተነሳሽነት አስገራሚ መሆኑን የገለጹት አሰልጣኝ ገብረመድህን ሲሆኑ አምበሉ ሳላሃዲን ሰይድ በበኩሉ ሜዳ ውም ሆነ ሜዳ ውስጥ የሚፈቃቀር ስብስብ አለን ሲል ተናግሮ ነበር።

የቡድኑ የመጀመሪያ አምበል ሳላዲን ሰይድ በመጎዳቱ እና ሁለተኛው አምበል ስዩም ተስፋዬ ደግሞ በፓስፖርት ጉዳይ ምክንያት ወደ ሌሴቶ የማያመራ ከሆነ ቡድኑን ሶስተኛው አምበል ጌታነህ ከበደ እንደሚመራው አሰልጣኙ በመግለጫቸው አስታውቀዋል።

በተያያዘ ዜና የፓስፖርት ጉዳይ ሳያልቅለት በመቅረቱ ከቡድኑ ውጭ ሊሆን የነበረው የሀዋሳ ከነማው ተከላካይ ደስታ ዮሃንስ በመጨረሻ ወደ ሌሴቶ ማቅናቱን ሶከር ኢትዮጵያ ዘግቧል። ለብሔራዊ ቡድኑ ለመጀመሪያ ጊዜ የመመረጥ እድል ያገኘው የመስመር ተካላካዩ በአዚህ ዓመት ከሀዋሳ ከነማ ጋር ስኬታማ የውድድር ጊዜ እያሳለፈ ይገኛል። በሌላ በኩል ደግሞ ወደ ካናዳ ለመሄድ በኬኒያ የሚገኘውን የካናዳ ኤምባሲ የቪዛ ጥያቄ አቅርቦ የነበረው ስዩም ተስፋዬ ፓስፖርቱ ኬኒያ በመሆኑ ከቡድኑ ጋር የሚያደርገው ጉዞ እንደተስተጓጎለ ሶከር ኢትዮጵያ ተጫዋቹን ዋቢ አድርጎ ዘግቧል። ኢትዮፉትቦል ዶትኮም በበኩሉ የስዩምን ጉዳይ ተከታትሎ ለአንባቢያን የሚያቀርብ ይሆናል።
የኢትዮጵያ ብሔራዊ ቡድን ወደ ሌሴቶ ዋና ከተማ ማሴሩ ይዟቸው የሄደው የቡድኑ አባላት እነዚህ ናቸው።

ግብ ጠባቂዎች

ጀማል ጣሰው እና አቤል ማሞ።

ተከላካዮች

አስቻለው ታመነ፣ አንተነህ ተስፋዬ፣ ያሬድ ባዬህ፣ አህመድ ረሺድ፣ ደስታ ዮሃንስ እና የ2008 ዓ.ም የኢትዮጵያ ሪሚየር ሊግ ኮከብ ተጫዋች ይሆናል ተብሎ የሚጠበወቅ አብዱልከሪም መሀመድ ናቸው።

አማካዮች

ኤሊያስ ማሞ፣ ታደለ መንገሻ፣ ሽመልስ በቀለ፣ ሽመክት ጉግሳ፣ አስራት መገርሳ፣ ምንተስኖት አዳነ፣ ኤፍሬም አሻሞ እና ጋቶች ፓኖም ናቸው።

አጥቂዎች

ጌታነህ ከበደ፣ ታፈሰ ተስፋዬ እና ዳዊት ፈቃዱ ናቸው።
የማለፍ እድሉን በሌሎች ትከሻ ላይ የጣለው የኢትዮጵያ ብሔራዊ ቡድን እና የሌሴቶ ጨዋታ

ethiofootball.com
 
 
ዜናውን፣ ጽሑፉን ከወደዱት የፌስቡክ ገጾ ላይ ሼር ያድርጉት
 
Dear Readers: The views expressed on our comment pages under are the personal views of individual contributors and ethiofootball.com bears no responsibility for what readers post and is not liable for any form of impersonation. also note that while we value your feedback we may block inappropriate comment.
ESU YA HAWASSA LIG [356 days ago.]
 GOOD

Adem [348 days ago.]
 በጣምጡሩነዉ

 
Your Comment /አስተያየት *   Required
     
Name:
 
Email:
 
 
 
 
Comment:
* Amharic keyboard
   
 
     
     
 
Copyright© 2014 Ethiofootball.com All rights reserved!