ሱፐር ሊጉ ፍጻሜውን ሲያገኝ ፋሲል ከነማ በሽልማት ተንበሸበሸ
ነሐሴ 26, 2008

ሱፐር ሊጉ ፍጻሜውን ሲያገኝ ፋሲል ከነማ በሽልማት ተንበሸበሸ

በይርጋ አበበ

የኢትዮጵያ እግር ኳስ ፌዴሬሽን ከሚያዘጋጃቸው ውድድሮች አንዱ የሆነው የከፍተኛ ሊግ ክለቦች ውድድር ትናነት ፍጻሜ አግኝቷል። ፋሲል ከነማ የዋንጫ ባለቤት ሲሆን ኮከብ አሰልጣኝ እና ኮከብ ተጫዋችም አስመርጧል። በፌዴሬሽኑ ታሪክ ለመጀመሪያ ጊዜ በተዘጋጀው ልዩ የውድድር መዋቅር መሰረት በሁለት ምድብ ተከፍሎ በተካሄደው ውድድር ከየምድባቸው አንደኛ እና ሁለተኛ ደረጃን ይዘው ያጠናቀቁ ክለቦች ፕሪሚየር ሊጉን እንዲቀላቀሉ መደረጉን ተከትሎ አራቱ ክለቦች ማለትም ጅማ አባ ቡና ከኦሮሚያ ክልል አዲስ አበባ ከተማ ከአዲስ አበባ ከተማ አስተዳደር እና ፋሲል ከነማ እና ወልድያ ከነማ ከአማራ ክልል ፕሪሚየር ሊጉን የተቀላቀሉ ክለቦች ናቸው።

ፌዴሬሽኑ ትናንት ባዘጋጀው የውድድሩ መዝጊያ ፕሮግራም ላይ ከየምድባቸው ሁለተኛ የወጡት አዲስ አበባ ከነማ እና ወልድያ ከነማ ለደረጃ ሲጫወቱ አንደኛ ወጥተው ያጠናቀቁት ፋሲል ከነማ እና ጅማ አባ ቡና ደግሞ ለዋንጫ ተጫውተዋል።

ፋሲል ከነማ የዋንጫ እና የ60 ሺህ ብር ተሸላሚ ሲሆን ጅማ አባቡና ደግሞ የብር ሜዳሊያ እና የ50 ሺህ ብር ተሸላሚ ሆኗል። በዕለቱ ከዋንጫው ጨዋታ ቀደም ብሎ የተካሄደው የአዲስ አበባ ከተማ እና የወልድያ ከተማ ጨዋታ በመለያ ምት የተጠናቀቀ ሲሆን የስዩም ከበደ ቡድን አዲስ አበባ ከነማ የነሃስ ሜዳሊያውን ወስዷል። ከነሃስ ሜዳሊያው ጋርም 40 ሺህ ብር ተሸልሟል።

የፋሲል ከነማው አሰልጣኝ ዘማሪያም ወልደጊዮርጊስ ኮከብ አሰልጣኝ ሲሆን የክለቡ ተጫዋች አብዱረህማን መሀመድ ኮከብ ተጫዋች ተብሎ ተመርጧል። የውድድሩ የብር ሜዳሊያ ተሸላሚው ጅማ አባቡና አጥቂ ኦሚ መሃመድ ደግሞ ኮከብ ጎል አግቢ ሆኖ ሲሸለም የአዲስ አበባ ከነማው ግብ ጠባቂ ተክለማሪያም ሻንቆ ኮከብ ጎል ጠባቂ ሆኖ ተመርጧል። አዲስ አበባ ከነማ ከስፖርት ሽልማቶች ሁሉ ከፍተኛ ዋጋ የሚሰጠውን የጸባይ ዋንጫ ተሸልሟል። 

በተያያዘ ዜና ፋሲል ከነማ ፕሪሚየር ሊጉን መቀላቀሉን ተከትሎ ከአማራ ክልል መንግስት የሁለት ሚሊዮን ብር እና አንድ የተጫዋቾች መጓጓዣ መኪና ሽልማት ተበርክቶለታል።


ethiofootball.com
 
 
ዜናውን፣ ጽሑፉን ከወደዱት የፌስቡክ ገጾ ላይ ሼር ያድርጉት
 
 
Your Comment /አስተያየት *   Required
     
Name:
 
Email:
 
 
 
 
Comment:
* Amharic keyboard
   
 
     
     
 
Copyright© 2014 Ethiofootball.com All rights reserved!