“ፊፋ ኮኔክት” ስልጠና በአዲስ አበባ ይካሄዳል
ነሐሴ 19, 2009

የዓለም አቀፍ እግር ኳስ ማህበራት ፌዴሬሽን ፊፋ ከኢትዮጵያ እግር ኳስ ፌዴሬሽን ጋር በመተባበር ያዘጋጀው “ፊፋ ኮኔክት” የተሰኘው ዓለም አቀፍ የመረጃ ልውውጥና የምዝገባ የአሠራር ስርዓት ሥልጠና በአዲስ አበባ ይካሄዳል፡፡ ከነሐሴ 22 - 24/2009 ዓ.ም በሂልተን ሆቴል በሚካሄደውና በዓይነቱ የመጀመሪያው በሆነው ስልጠና ኢትዮጵያን ጨምሮ ከ20 ሀገሮች የእግር ኳስ ፌዴሬሽኖች የተወከሉ የውድድርና የምዝገባ ሙያተኞች እንዲሁም አምስት የፊፋ አሰልጣኞች እንደሚሳተፉበት ለማወቅ ተችሏል፡፡

በስልጠናው ኘሮግራም መሠረት ስለፊፋ ኮኔክት ጽንሰ ሀሳቦችና መርሆች እንዲሁም የማስፈፀሚያ ቅጾች ላይ ያተኮረ የተግባርና የንድፍ ሀሳብ ስልጠና በከፍተኛ የፊፋ ሙያተኞች እንደሚሰጥ ይጠበቃል፡፡ የፊፋ ኮኔክት አዲስ የመረጃ ልውውጥና የምዝገባ ሥርዓት ዋና ዓላማ ለዓለማችን የእግር ኳስ ባለድርሻ አካላት የምዝገባና የመረጃ ልውውጥ በዘመናዊና አስተማማኝ በሆነ መልኩ መዘርጋትን መሰረት ያደርጋል፡፡ አዲሱ የምዝገባ ሥርዓት ተጨዋቾች፣ አርቢትሮች፣ አሰልጣኞችና ሌሎች ሙያተኞች በዘመናዊ የአሰራር ስርአት ውስጥ እንዲገቡ የሚያስችል ከመሆኑም በላይ ለመላው የእግር ኳስ ቤተሰቦች የተሟላ የእግር ኳስ መረጃ ተደራሽ ለማድረግ ምቹ ሁኔታ ይፈጥራል፡፡

የፊፋ ኮኔክት ስልጠና በአዲስ አበባ እንዲካሄድ የተወሰነው የኢትዮጵያ እግር ኳስ ፌዴሬሽን ስርዓቱን ለመተግበር ዝግጁነቱን በቅድሚያ በማረጋገጡና ለተሳታፊዎች በኢምግሬሸንና ዜግነት ጉዳይ መምሪያ በኩል ፈጣን የመግቢያ ቪዛ እንዲፈቀድ ፈጣን አገልግሎት መስጠቱን መሰረት ያደርጋል፡፡ በተጨማሪም ሀገራችን ዓለም አቀፍ ስብሰባዎች በማስተናገድ ረገድ ያተረፈችው መልካም ስምና የሆቴሎች አመቺነት ኢትዮጵያ ስልጠናውን እንድታስተናግድ ለመመረጥዋ ዋነኞቹ ምክንያቶች ናቸው፡፡

ከፊፋ ኮኔክት ስልጠና በተጨማሪ 52 ከፍተኛ የዳኝነት ኢንስትራክተሮች የሚካፈሉበት ኮርስ በፊፋና በኢትዮጵያ እግር ኳስ ፌዴሬሽን ትብብር በቅርብ ቀናት ውስጥ በአዲስ አበባ እንዲካሄድ ቅድመ ዝግጅቶች በመጠናቀቅ ላይ ናቸው፡፡

የኢትዮጵያ እግር ኳስ ፌዴሬሽን  


የኢትዮጵያ እግር ኳስ ፌዴሬሽ
 
 
ዜናውን፣ ጽሑፉን ከወደዱት የፌስቡክ ገጾ ላይ ሼር ያድርጉት
 
 
Your Comment /አስተያየት *   Required
     
Name:
 
Email:
 
 
 
 
Comment:
* Amharic keyboard
   
 
     
     
 
Copyright© 2014 Ethiofootball.com All rights reserved!