home
About Us
Player Profile
Team Profile
Feedback
FAQs
 
 
 
Degu Debebe St.George
St.George

 
Name: Degu Debebe  
Weight: 75  
Age: 00  
Height: 1.83  
Position: CD  
Club: St.George  
 
ደጉ ደበበ 
 
ስም: ደጉ ደበበ 
የሚጫወትበት ክለብ: ቅዱስ ጊዮርጊስ
ቅዱስ ጊዮርጊስ: 12

ደጉ ደበበ በአርባ ምንጭ ጨርቃ ጨርቅና በቅዱስ ጊዮርጊስ ክለቦች የተጫወተ ውጤታማ ተከላካይ ነው፡፡ ለሀገሩ ብሔራዊ ቡድንም ለረዥም ጊዜ በመጫወት እያገለገለ  ይገኛል፡፡ 

የልጅነት  ዘመን

ደጉ አበበ በአሳና በሙዝ ምርቷ በምትታወቀው አርባምንጭ ከተማ በ 1974 ዓ/ም ነው የተወለደው፡፡ እድገቱም ሰቀላ ሰፈር ተብሎ በሚጠራው የከተማዋ ክፍል ነው፡፡ በ 1991 በአሁኑ የኒያላ ክለብ አሰልጣኝ መለሰ ሸምና በተመሰረተው የእግርኳስ ፕሮጀክት በመታቀፍ መሰልጠን ጀመረ፡፡ በ 1993 አርባ ምንጭ ጨርቃ ጨርቅ ሲመሰረት ከመስራች ተጫዋቾች አንዱ ደጉ አበበ ነበር፡፡ 

በ&nbsp1995 አርባምንጭ በኢትዮጵያ ፕሪሚየር ሊግ የተለየ ታሪክ መፃፍ የቻለ ክለብ ነበር፡፡  እስከመጨረሻው ጨዋታ ከመሪው ቅዱስ ጊዮርጊስ ትንቅንቅ ገጥሞ ነው ዋንጫ ያጣው፡፡ ቅ/ጊዮርጊስ በመጨረሻው ጨዋታ ከኢትዮጵያ ቡና ጋር ይገናኝ ነበር፡፡ በወቅቱ ይህ ጨዋታ በአቻ ውጤት ሲጠናቀቅ አልያም ቡና ቢያሸንፍ የሻምፒዮንነት ክብር የአርባ ምንጭ ይሆን ነበር፡፡ ነገር ግን ቅ/ጊዮርጊስ በአወዛጋቢ ሁኔታ ቡናን በማሸነፍ ዋንጫውን ወሰደ፡፡ የአርባ ምንጭ ህልምም ቀጣይ ጉዞም ጨለማ ሆነ፡፡ በ 1996 በሊጉ እየተንገዳገደ ቢቆይም በመጨረሻው ለመፍረስ ተገደደ፡፡ የቡድኑ አባል የነበረው ደጉ ደበበም ለክለቡ ውጤታማነት ተጠቃሽ ከነበሩ ተጫዋቾች የሚመደብ ሲሆን ለ 1997 ወደ ቅ/ጊዮርጊስ ተዛወረ፡፡

ከ 1997 ጀምሮ በቅ/ጊዮርጊስ የመጀመሪያ ተመራጭ የመሐል ተከላካይ በመሆን እያገለገለ ይገኛል፡፡ በ 1997፣ 1998፣ 2000፣ 2001 እና 2002 የኢትዮጵያ ፕሪሚየር ሊግ ዋንጫን ከጊዮርጊስ ጋር አንስቷል፡፡ ከአምበሉ ሣምሶን ሙሉጌታ ጋር የፈጠሩት ጥምረትም ቅ/ጊዮርጊስ በሊጉ ጠንካራ የተከላካይ ጥምረት እንዲኖረው አስችለዋል፡፡ ለዚህም በ 2002 ክለቡ ከ 18ቱም የሊጉ ክለቦች ዝቅተኛውን ጎል ማስተናገዱ ማሳያ ይሆናል፡፡


ብሔራዊ ቡድን

ደጉ ደበበ ከ 1995 ዓ/ም ጀምሮ ኢትዮጵያ በተሳተፈችባቸው ውድድሮችና ጨዋታዎች ሁሉ ተመራጭ በመሆን ሀገሩን አገልግሏል፡፡ በ 1997 አዲስ አበባ ላይ በ 1998 ሩዋንዳ ላይ የሴካፋ ሻምፒዮን የሆነው የኢትዮጵያ ብሔራዊ ቡድን ተመራጭ በመሆን ጣፋጮቹን ድሎች አጣጥሟል፡፡ 

ደጉና ንግድ 

ደጉ ከጥሩ ተከላካይነቱ ባሻገር የጥሩ ነጋዴ መሆኑም ይነገርለታል፡፡ እንደ አንዳንድ ተጫዋቾች ነገሮች ከማባከን ይልቅ በንግድ ስራ ላይ በማዋል የበለጠ ትርፋማ ውጤታማ መሆኑ ይናገራል፡፡ በትራንስፖርት መስክ የተሰማራው ደጉ ሁለት የጭነት አይሱዙ መኪናዎች ባለቤት መሆኑ ይናገራል፡፡
 

ethiofootball.com

 


 
 
 
 
 
 
 
---
---
 
 
 
 
Copyright© 2015 ethiofootball.com. All rights reserved!
Designed and Hosted by webPro